كشف مدرب المنتخب المصري البرتغالي روي فيتوريا عن تفاصيل معسكر المنتخب في سبتمبر المقبل مباراتي إثيوبيا وتونس، وأهدافه التي تحققت مع المنتخب والأهداف التي يسعى لتحقيقها أيضا.

 

 

 

 

 

وقال المدرب البرتغالي في المؤتمر الصحفي :انا بشكل عام مستريح جدا وسعيد باللاعيبة الموجودة، دي حاجة اتكررت في كل المعسكرات، لاعيبتنا حقيقي مميزين، اللاعيبة كان أداؤها مثالي معانا في الفريق، ومتأكد إن حضور لاعبي المنتخب الأولمبي معانا في المنتخب الأول هينعكس عليهم إيجابيًا”.

 

 

 

 

وواصل البرتغالي :بالنسبة للاختيارات المستقبلية اول معايير هي الكفاءة الفنية، اكيد من الـ7 لاعيبة اللي واخدين انذارات في ناس ستشارك وناس لا، وبأمل اللاعيبة اللي تبدأ المباراة وعندهم انذارات انه يتحكم في مجريات اللقاء ومياخدش كارت، واللاعب بخبرته بيكون عارف ازاي يتعامل في المواقف دي”.

 

 

 

 

 

وأكمل المدرب البرتغالي: ” صعب اريح الـ7 لاعيبة كلهم، ودي حاجة تبين صعوبة اختيار القائمة في المعسكر ده بسبب الكروت وفي لاعيبة مبدأتش المنافسات الرسمية، دوري أن أجد الحلول”.

 

 

 

 

وقال المدرب البرتغالي بخصوص إراحة النجم والعالمي المصري محمد صلاح “صلاح هيحضر بعد مباراة إثيوبيا، ده قراري أنا، علشان ميبقاش في مخاطرة باللاعب، هيبقى هو الوحيد اللي لعب 7 مباريات في 23 يوم، لعب الماتشات تقريبًا 90 دقيقة، فاحنا مش عاوزين يكون في تحميل بدني زيادة عن اللاعب، وطبعًا اكيد علشان هناك حلول متوفرة معايا لذا فضلت عدم المخاطرة باللاعب في المباراة الأولى”.

 

 

 

 

 

وقد أستكمل البرتغالي : “حاولت اكون أنا الشخص اللي بيقدم النصيحة، من أول شهر وصلت فيه عملت 11 أو 12 زيارة للأندية المصرية، لأني عارف كويس اوي ايه شغل المدرب في النادي وشغل المدرب الموجود في المنتخب، وقت ما يكون في فرصة بالنسبالي اقدر احقق بيها مصلحة المنتخب .

 

 

 

 

وعن مشاركة لاعبين شباب في اثيوبيا قال: “احنا بنحترم كل الفرق وبنحهز نفسنا بأفضل شكل، اثيوبيا حتى لو فيها عناصر جديدة اكيد عندهم كفاءة فنية، كرة القدم فيها أفكار جيدة واللاعب المميز بيقدر يربط الخطوط”.