البسايسة أول قرية تعتمد في حياتها علي الطاقة الشمسية بمحافظة الشرقية 

كتبت أية الديب 

البسايسه قرية قريبه  جداً من الزقازيق في محافظة الشرقية 

  أول قرية تعتمد فى حياتها على الطاقة الشمسية .

جميع أسطح منازل القرية بطاريات طاقة شمسية مولده للكهرباء اللى بتشغل جميع الأجهزة الكهربائية بالقرية وإنارة الشوارع.

هي أول قرية تكتفي ذاتياً من الطاقة ، وأول قرية رائدة فى استخدام الموارد الطبيعية ، قرية حاربت ارتفاع أسعار الغاز بتوليد البيوجاز من إعادة تدوير المخلفات الصلبة وروث الحيوانات .. يعنى بتتخلص من كل حاجة ملوثه وبتعيد استخدامها وتستفيد بيها .. يعنى عندهم الغاز والكهرباء طبيعي .. بيعملوه بنفسهم. 

قرية أصبحت من أهم القرى فى توليد الكهرباء والغاز .. ومن الموارد الطبيعية قاموا بإستخدام بدائل للأعلاف لتغذية الحيوانات .. وأصبحت من أهم القرى الصديقة للبيئة واللى حققت التنمية المستدامة اللى بنحاول نوصل ليها النهاردة.

#البسايسة مش بس رائدة فى الطاقة والغاز وتدوير المخلفات دا كمان زرعت أسطح المنازل وعملت العديد من الورش فى مجال النجارة والسجاد وغيرها من المشغولات وأصبحت أول قرية بلا بطاله وبلا اميه. 

ماعلاقة كل هذا بالدكتور #صلاح_عرفة ومن هو ؟ 

أ.د صلاح عرفة .. أستاذ الفيزياء بالجامعة الأمريكية

عالم الطاقة المتجددة ورائد التنمية البيئية فى مصر .. 

كانت له مقوله يرددها ” العالم الحقيقي ليس من يعرف .. بل من يعلم وينقل هذه المعرفه ” 

فى مثل بيقول ” لا تعطينى سمكة .. ولكن علمنى كيف اصطاد ” مثل تم تطبيقه بالفعل على يد الأستاذ الدكتور/ صلاح عرفه ابن “محافظة الشرقية” أول من أدخل الطاقة الشمسية فى مصر وعمل أول محطة للطاقة لتوليد الطاقة الشمسية فى #قرية_البسايسة فى السبعينات ، وقام بإعادة تدوير المخلفات لإنتاج الغاز ” البيوجاز ” 

ازاي دا .. الدكتور #صلاح_عرفة أول من قام بتطوير قدرات الشباب فى القرى وتمكين المرأة الريفية ومحاربة الأمية .. 

أول من فكر فى تحسين مستوى معيشة القرية عندما كان يقوم بزيارتهم أسبوعياً والاستماع لمشاكلهم .. فقرر تغيير نمط حياتهم وتعليمهم الإعتماد على أنفسهم ليطلق أول شرارة فى طريق التنمية المستدامة من قرية البسايسة ..

بدأ فى بناء أول وحدة لتدوير المخلفات الزراعية ووحدات بيوجاز من مخلفات الحيوانات وبدأ فى تدريبهم فى كيفية استخدام الموارد الطبيعية لتتحول القرية من قرية فقيره إلى قرية صديقه للبيئة.

قام الدكتور صلاح عرفه بإنشاء مجتمع جديد صديق للبيئة في مناطق عديده .. هذا المجتمع الذى نحاول الوصول له الآن وتحقيقه.

عالم مصرى وقرية مصرية حققت التنمية المستدامة من أكتر من 50 سنه .. قرية اكتفت ذاتياً من الطاقة والغاز .. الحاجة اللى أحنا بنعانى منها كلنا .. حققها العالم الكبير ا.د صلاح عرفه فى الشرقية. نقلها لكم حمدى الجيزاوي