وقال “عاشور” عبر تصريحات رسمية: الحمد لله طبعا علي الفوز ومش قادر أوصف فرحتي بصراحة النهاردة بتحقيق أول بطولة لي مع النادي الأهلي كانت صعبه طبعا جدا لكن الحمدلله ربنا وفقنا وحصدنا البطولة في النهاية.

 

 

 

وأضاف: أنا بقول للشامتين أهدوا شوية ولولا الأهلي له سيستم كنت رديت لان فيه شخص هجاص كدة بقوله النهاردة أول بطولة ليا وكسبت برونزية كأس العالم والحمد لله احسن منكم بكتير.

 

 

 

 

وواصل: قدمنا اليوم مباراة قوية أمام منافس قوي بحجم نادي فيوتشر والقادم أفضل بإذن الله.

 

وأستكمل: أحب أن اشكر اللاعبين علي الأداء الرائع والمجهود الكبير الي بذلوه انهاردة وتعودت من أول يوم جيت فيه النادي الأهلي ان لو راح بطولة ييجي مكانها 10.

 

وأختتم : والله احنا بنجتهد وبنعمل الي علينا والتوفيق من عند ربنا وبكل تأكيد طبعا الجمهور سند كبير جدا لينا وداعم لينا في كل الأوقات وبوعدهم بالمزيد من البطولات.

 

وبهذه النتيجة يحصد الأهلي لقب السوبر للمرة ١٤ في تاريخه ويحقق كولر لقبه السادس مع الفريق خلال 15 شهر فقط.