تفاعل جلال مع الأحداث، وشعر بحزن شديد، وناقش الأمر مع مديرة أعماله سارة ابو خجيل، فقرر تقديم أغنية “إحنا أصحاب القضية” لكى يمنح الموسيقى والغناء بعدا إنسانيا عمليا، متضامنا مع اهل غزة، رافضا لهمجية الاحتلال، وداعما للقضية الفلسطينية.

“إحنا أصحاب القضية” كلمات عمرو هشام، والحان محمود غرابلي، وتوزيع موسيقى عمرو العزبي، وتصوير وإخراج محمد العطار، وانتاج مدحت سعد شركة “ارت ميوزيك” للانتاج الفني.. وتقول كلماتها: 

 

 

 

 

فوقوا لاجل الانسانيه .. دي اباده جامعيه

ذنبه اي الطفل البريء .. يتقتل و يكون ضحيه

الحياد اكبر خيانه .. محتاجين صوتك معانا

هو دا الحق اللي ليهم .. التعاطف مش كفايه

احنا أصحاب القضيه .. مش هنبقي في يوم ضحيه

في المحن بنزيد صلابه .. احنا عزيمتنا قويه

كلنا في الشده واحد .. قصاد عدو قلبه جاحد

مستعد بروحي اضحي .. و في سبيل القدس اجاهد

علي قلب واحد كلنا .. حالفين نرجع حقنا

لو كل يوم فيه 100 شهيد .. مفيش بديل عن ارضنا

هنجيب حقوق الابرياء .. بكل عزه و كبرياء

هنجيب حقوقهم أولآ .. و بعده نقبل العزاء

يا غزه ميت مليون سلام .. و للصمود نقف احترام

للابرياء المخلصين .. دول صعب يوصفهم كلام

الحق لا يمكن يموت .. مهما السنين عليه تفوت

القدس ارضنا كلنا .. ومن النهارده مفيش سكوت

هنجيب حقوق الابرياء .. بكل عزه و كبرياء

هنجيب حقوقهم أولآ .. و بعده نقبل العزاء