وقال مجدي الهواري : سعيد حامد هو اللي اكتشف غادة عادل في فيلم صعيدي في الجامعة الأمريكية، وكانت بتعمل معانا دور صغير في فوازير أبيض وأسود، وهو طلبها في الفيلم بعد اعتذار ممثلة تانية عن دورها في صعيدي في الجامعة الأمريكية، وشريف عرفة بعدها طلبها تبقى بطلة فيلم عبود على الحدود.

 

 

وتابع : وقتها كانت غادة بتعمل أودشن على مشهد مهم جدًا في الفيلم، وبعدها بقى أهم مشهد إفيه اتعمل في البرومو، والناس وقتها كانوا بيدخلوا الفيلم علشان المشهد ده، من هنا جات الكيمياء بين غادة وعلاء، ووقتها كانوا عملوا مع بعض فوازير أبيض وأسود وبعدها مسرحية ألابندا، وعلاء كان سبب كبير في تأكيد ترشيح غادة للفيلم. 

 

ومن ناحية أخرى، كانت آخر أعمال مجدي الهواري الإخراجية مسلسل دايمًا عامر، الذي عُرض في الموسم الرمضاني الماضي 2022، وقدم بطولته مصطفى شعبان، وشارك به عدد من النجوم منهم لبلبة، صلاح عبدالله، محمد ثروت، وكريم عفيفي، ومن تأليف أيمن سليم ومايكل عادل، تحت إشراف المؤلف أحمد عبدالفتاح.