أخبار النادي الأهلي اليوم الجمعة

يقدمها لكم : محمد فاروق

بفضل الله ثم بجهد إدارة الكرة بالأهلي الفريق الأول لكرة القدم بالنادي الأهلي الآن يمتلك لاعبين أفذاذ فنياً وخُلقياً قادرين بمشيئة الله تعالى على حصد البطولات المحلية والقارية ولا فرق بين لاعب أساسي وبديل فالفوارق الفنية ليست بعيدة ويمكن للمدرب ريبييرو تغيير فريق كامل كل مباراة وهذا بالطبع في عالم كرة القدم غير وارد ولا صحيح ولكن ريبييرو يمتلك لاعبين في كل الخطوط مميزين ويستطيع التدوير بينهم خلال مباريات الموسم بسهولة لعدم إجهاد الفريق ككل.

بالتوفيق للاعبين والمدير الفني ونتمني حصد جميع الألقاب لهذا الموسم.

الليلة تجربة جديدة لخوسية ريبييرو ولاعبية في ثان وديات معسكر تونس. 

مباراة الأهلي الليله أمام البنزرتي التونسي ستنطلق تمام الساعة 7:30 مساءاً.

خوسيه_ريبيرو سيجرب الليله أيضا أكبر عدد من اللاعبين وسيري كيفية استغلال أكثر من لاعب في مراكز مختلفة أثناء المباراة.

خوان_خوسيه مدرب حراس مرمى الأهلي عامل شغل هايل جدًا من خلال التدريبات الأخيرة للحراس وهناك تألق واضح جدًا لـلشناوي وسيحا ومصطفى شوبير . 

خوسيه_ريبيرو فضل التركيز على ثلاث حراس فقط في المعسكر وسمح لـ مصطفى مخلوف بالخروج إعارة.

سيتم تصعيد أحد حراس فريق 2005 وتجهيز مع الفريق الأول بعد العودة إلى القاهرة. 

بعثة الأهلي ستعود بمشيئة الله تعالى من تونس صباح الأحد، الفريق سيحصل على راحة سلبية لمدة يومين عقب العودة من تونس، لينتظم في التدريبات مرة أخري، الثلاثاء المقبل. 

الكابتن_محمود_الخطيب هو من سوف يتولي ملف تجديد عقد اليو ديانج بالكامل. 

الأهلي يخطط لخوض مباراتين وديتين مع أندية من الدوري الممتاز، خلال الأيام المقبلة التي تسبق انطلاق الموسم الجديد. 

تقارير تشير أن المدير الرياضي كابتن محمد يوسف تفاوض مع أحمد حسن كوكا واتفق معه بشكل مبدئي ومازالت هناك محاولات لإقناع ريبيرو المتحفظ على ضم اللاعب.

صفقة انتقال وسام أبو علي من الأهلي إلى كولومبوس كرو الأمريكي وصلت إلى مراحلها النهائية، وجار صياغة العقود في الوقت الحالي

• الصفقة تمت بنسبة 100%، والإعلان الرسمي سيتم بعد انتهاء اللاعب من إجراء الفحص الطبي واللاعب غادر الي الدنمارك لقضاء اجازة مع أسرته قبل السفر لأمريكا .

أهم_التصريحات.....

أشرف_بن_شرقي:

-اللعب في الأهلي مختلف وبيكون صعب شوية بسبب الضغوطات،

فيه ملايين بيحبوا النادي واللاعيبة وعاوزينهم يفرحوهم ويكسبوا بطولات،

-الأهلي بيسهل كل الامور انك تلعب كورة في أجواء جيدة، الأهلي معروف من زمان مش من دلوقتي انه بيلعب على البطولات، أي لاعب بيدخل النادي ده لازم يعرف انه جاي يكسب بطولات، حاجة كبيرة انك تلعب في الأهلي خصوصا أمام الجماهير، حاجة بتفرحني وبتخليني كل يوم بشتغل ومتشوق للعب أمام جمهور الاهلي بعد المعسكر، لما جيت لقيت استقبال رائع من الجمهور وبيتكلموا معايا كويس وده بيديني دافع عشان اشتغل وافرح الناس دول اللي بيحبوني.

- عندنا أسامي كبيرة ودي حاجة كويسة للنادي لانهم هيقدروا يساعدوا في ضغط المباريات،

-طبعا بيكون فيه منافسة مع “ بعض وفي التمرين كل لاعب عاوز يلعب وبيستعد بشكل كويس، احنا فريق واحد اي لاعب بيلعب بنكون في ضهره، كل الكلام في المعسكر ومن أول ما جيت الأهلي ان اهم حاجة الفريق يكسب، والمشاركة بتكون قرارات المدرب واختياراته حسب رؤيته،

-اي لاعب هييجي الأهلي أول حاجة هيفكر فيها انه يكسب بطولات، دي أهم حاجة عندنا، أنا بحاول أعمل كل حاجة عشان أفرح جمهور الأهلي واتمنى التوفيق من عند ربنا.

-انضممت للنادي الأهلي في يناير، ومكنتش عملت فترة اعداد مع الفريق اللي كنت فيه. 

-شايف نفسي في الموسم الجديد مع التدريبات القوية في المعسكر لازم ادوس على نفسي عشان اوصل للي عاوزه، لازم يكون فيه قوة بدنية وحفاظ على الجسم سواء في التمرين او برة التمرين.

-لازم اللاعب يحافظ على جسمه ويتدرب بشكل كويس عشان يكون مؤهل لجميع الحسابات الموجودة في المباريات، بنحاول نوصل لأقصى حاجة ومع الماتشات والتدريبات هنوصل لأعلى فورمة بإذن الله تعالى.